ಮಿಸ್ ಇಂಡಿಯಾ ವರ್ಲ್ಡ್ ವೈಡ್ 2024 ಪ್ರಶಸ್ತಿಯನ್ನು ಅಮೇರಿಕಾದ ವಿದ್ಯಾರ್ಥಿನಿ ದ್ರುವೀ ಪಟೇಲ್ ಗೆದ್ದಿದ್ದಾರೆ. ಈ ಸೌಂದರ್ಯ ಸ್ಪರ್ಧೆಯನ್ನು ಭಾರತೀಯ ಫೆಸ್ಟಿವಲ್ ಕಮಿಟಿ ಆಯೋಜಿಸುತ್ತಿದ್ದು, ಭಾರತದ ಹೊರಗಿರುವ ಭಾರತೀಯ ಮೂಲದವರು ಭಾಗವಹಿಸುತ್ತಾರೆ. ದ್ರುವೀ ಪಟೇಲ್ ಮೂಲತಃ ಗುಜರಾತ್ ದವರು ಮತ್ತು ಅವರು ಕಂಪ್ಯೂಟರ್ ಇನ್ಫಾರ್ಮೇಶನ್ ಸಿಸ್ಟಮ್ಸ್ ನಲ್ಲಿ ಓದುತ್ತಿದ್ದಾರೆ.
ತಮ್ಮ ಗೆಲುವಿನ ಬಗ್ಗೆ ದ್ರುವೀ ಪಟೇಲ್ ಅವರು, “ಈ ಪ್ರಶಸ್ತಿಯು ನನ್ನ ಪರಂಪರೆ ಮತ್ತು ಮೌಲ್ಯಗಳನ್ನು ಪ್ರತಿನಿಧಿಸುತ್ತದೆ, ಹಾಗೆಯೇ ಜಾಗತಿಕ ಮಟ್ಟದಲ್ಲಿ ಇತರರಿಗೆ ಸ್ಪೂರ್ತಿಯಾಗುವ ಅವಕಾಶವನ್ನು ಕೊಡುತ್ತದೆ,” ಎಂದು ತಿಳಿಸಿದ್ದಾರೆ. ಈ ಪ್ರಶಸ್ತಿ ದ್ರುವೀ ಪಟೇಲ್ ಗೆಲ್ಲುವುದು ಬಾಲಿವುಡ್ ನಟಿಯಾಗಿ ಮತ್ತು ಯೂನಿಸೆಫ್ ರಾಯಬಾರಿಯಾಗಿ ಸೇವೆಸಲ್ಲಿಸುವ ಅವರ ಕನಸಿಗೆ ಮತ್ತೊಂದು ಹೆಜ್ಜೆಯಾಗಿದೆ.